ରାଜ୍ୟସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ, ଯାଜପୁର ସ୍ପୋଟିଂ ବିଜୟୀ
ମନ୍ନଥ ମଲ୍ଲ ସର୍ବାଧିକ ୨୮ଟି ବଲରେ ୭୩ ରନ କରିମ୍ୟାନ ଅଫ ଦି ମ୍ୟାଚ
Get real time updates directly on you device, subscribe now.
ଗଁଦିଆ (ସରୋଜ ଶତପଥୀ) : ଢେଙ୍କାନାଳ ଜିଲା ଗଁଦିଆ ବ୍ଲକ ଆମ୍ବପଡା ଗ୍ରାମରେ ତୃତୀୟ ବାର୍ଷିକ ରାଜ୍ୟ ସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି । ଏହି ଉଦଘାଟନୀ ମ୍ୟାଚରେ ମୁଖ୍ୟ ଅତିଥି ଭାବରେ ସୁରେଶ ପଣ୍ଡା ଯୋଗଦେଇଥିବା ବେଳେସମ୍ମାନୀତ ଅତିଥି ଭାବରେ ସମାଜସେବୀ ପ୍ରଦ୍ୟୁମ୍ନ କୁମାର ପଣ୍ଡା ଯୋଗଦେଇ ଉଦଘାଟନ କରିଥିଲେ ।
ଉଦଘାଟନୀ ମ୍ୟଚରେ ଯାଜପୁର ବାପୁଜୀ କ୍ଲବ ଏବଂ କଟକ ମଧ୍ୟରେ ଅନୁଷ୍ଠିତ ହୋଇଥିଲା । ପ୍ରଥମେ ଦିନଦାଶ କ୍ଲବ କଟକ ବ୍ୟାଟିଂ କରି ୧୬ ଓଭରରେ ୩ ୱିକେଟ ହରାଇ ୨୦୩ ରନ ସଂଗ୍ରହ କରିଥିବା ବେଳେଜବାବରେ ବାପୁଜୀ ସ୍ପୋଟିଂ କ୍ଲବ ଯାଜପୁର ୧୬ଓଭରରେ ୯ ୱିକେଟ ହରାଇ ୨୦୪ ରନ ସଂଗ୍ରହ କରି ବିଜୟୀ ହୋଇଥିଲା । ବାପୁଜୀ କ୍ଲବର ମନ୍ନଥ ମଲ୍ଲ ସର୍ବାଧିକ ୨୮ଟି ବଲରେ ୭୩ ରନ କରିମ୍ୟାନ ଅଫ ଦି ମ୍ୟାଚ ଭାବରେ ବିବେଚିତ ହୋଇଥିଲେ ।
ଆଜିର ଖେଳକୁ ଗଗନ ନାୟକ, ପଞ୍ଚାନନ ମହାନ୍ତି, ନରେଶ ମହାନ୍ତି, ବାପି ପଣ୍ଡା, ବିଶ୍ୱରଞ୍ଜନ, ରାଜୀବ ମଲ୍ଲିକ, ରଜନୀକାନ୍ତ ପାଣିଗ୍ରାହୀ, ସନ୍ତୋଷ ଦାସ ପ୍ରମୁଖ ପରିଚାଳନା କରିଥିଲେ । ଅମ୍ପାୟାର ଭାବରେ ରାକେଶ ରୋଶନ ନାଥ, ପ୍ରଭାତ ଦେହୁରୀ ପରିଚାଳନା କରିଥିଲେ । ଆସନ୍ତା କାଲି ଆଇଆରସି ଭୁବନେଶ୍ୱର ଏବଂ ଚୌଦ୍ୱାର କଟକ ମଧ୍ୟରେ ମ୍ୟାଚ ଅନୁଷ୍ଠିତ ହେବ ବୋଲି ଜଣାପଡିଛି ।
- Advertisement -
