ଅନ୍ତଃରାଷ୍ଟ୍ରୀୟ ଅହମ୍ମଦିଆ ମୁସଲିମ ଜମାଅତର ବାର୍ଷିକ ସମ୍ମିଳନୀ ପାରସ୍ପରିକ ଭାଇଚାରା ଏବଂ ଶାନ୍ତିର ବାର୍ତ୍ତା ଦେଇଛି
ଯେଉଁମାନେ ଏହି ସମ୍ମିଳନୀରେ ଅଂଶଗ୍ରହଣ କରନ୍ତି ସେମାନେ ସହାନୁଭୂତିର ଆତ୍ମା ଜାଗ୍ରତ କରନ୍ତି ଏବଂ ଦେଶ ତଥା ସମାଜର ଏକ ମୂଲ୍ୟବାନ ଅଂଶ ହେବାକୁ ଚେଷ୍ଟା କରନ୍ତି
Get real time updates directly on you device, subscribe now.
ଗୁରୁଦାସପୁର (ଅନସାର୍ ଅଲୀ ଖାଁ): ଅନ୍ତଃରାଷ୍ଟ୍ରୀୟ ଅହମ୍ମଦିଆ ମୁସଲିମ ଜମାଅତର ତିନି ଦିବସୀୟ ୧୨୬ତମ ବାର୍ଷିକ ସମ୍ମିଳନୀ ଗତକାଲି ସଫଳତା ପୁର୍ବକ ଉଦଯାପିତ ହୋଇଯାଇଛି। ଏହି ଅବସରରେ ଜମାଅତ ଅହମ୍ମଦିଆର ଆଧ୍ୟାତ୍ମିକ ବିଶ୍ଵ ଖଲିଫା ହଜରତ ମିର୍ଜା ମସରୁର ଅହମ୍ମଦ ଲଣ୍ଡନରୁ ଏମ୍.ଟି.ଏ ଟେଲିଭିଜନ ମାଧ୍ୟମରେ ସିଧା ସମାରୋହକୁ ସମ୍ବୋଧିତ କରିଥିଲେ ତଥା ମୂଲ୍ୟବାନ ପରାମର୍ଶ ଦେଇଥିଲେ,ଏବଂ ବିଶ୍ଵରେ ଶାନ୍ତି ଓ ସୌହାର୍ଦ୍ଦ୍ୟ ସ୍ଥାପନ ପାଇଁ ବିଶେଷ ପ୍ରାର୍ଥନା କରିଥିଲେ।
ଶ୍ରୀ ଅହମ୍ମଦ କହିଥିଲେ ଯେ, ଏହି ବାର୍ଷିକ ସମ୍ମିଳନୀ ପାରସ୍ପରିକ ଭାଇଚାରା ଏବଂ ଶାନ୍ତିର ବାର୍ତ୍ତା ଦେଇଥାଏ, ଯେଉଁମାନେ ଏହି ସମ୍ମିଳନୀରେ ଅଂଶଗ୍ରହଣ କରନ୍ତି ସେମାନେ ସହାନୁଭୂତିର ଆତ୍ମା ଜାଗ୍ରତ କରନ୍ତି ଏବଂ ଦେଶ ତଥା ସମାଜର ଏକ ମୂଲ୍ୟବାନ ଅଂଶ ହେବାକୁ ଚେଷ୍ଟା କରନ୍ତି। ୧୮୯୧ ଖ୍ରୀଷ୍ଟାବ୍ଦରେ ଜମାଅତ ଅହମ୍ମଦିଆର ପ୍ରତିଷ୍ଠାତା ହଜରତ ମିର୍ଜା ଗୁଲାମ ଅହମ୍ମଦ ବିଶେଷ ପ୍ରାର୍ଥନା ସହିତ ଏହି ସମ୍ମିଳନୀର ଶୁଭାରମ୍ଭ କରିଥିଲେ, ଯାହାର ଆଲୋକ ହେତୁ ଆଜି ସାରା ବିଶ୍ୱରେ ସହସ୍ରାଧିକ ସମ୍ମିଳନୀ ଆୟୋଜିତ ହେଉଛି ।
ସୂଚନାଯୋଗ୍ୟ ଯେ ସମ୍ମିଳନୀର କାର୍ଯ୍ୟକ୍ରମ ଗୁଡିକ ଭାରତର ଛଅ ଗୋଟି ଭାଷାରେ ପ୍ରସାରିତ ହୋଇଥିଲା । କୋରୋନା ପ୍ରୋଟୋକଲ୍ ଅନ୍ତର୍ଗତ ଏହି ସମାରୋହରେ ଅଂଶଗ୍ରହଣ କରିବାକୁ ଅଳ୍ପ ସଂଖ୍ୟକ ପ୍ରତିନିଧୀ ଏବଂ ଶ୍ରଦ୍ଧାଳୁମାନଙ୍କୁ ନିମନ୍ତ୍ରଣ କରାଯାଇଥିଲା, ତେଣୁ ଏହି ତିନି ଦିନର କାର୍ଯ୍ୟକ୍ରମ ଲାଇଭ୍ ଷ୍ଟ୍ରିମିଂରେ ପ୍ରସାରିତ ହୋଇଥିଲା, ଯାହାକୁ ବିଶ୍ୱର ବିଭିନ୍ନ ସ୍ଥାନରୁ ଲୋକମାନେ ଦେଖୁଥିଲେ। ଏହି ଆନ୍ତର୍ଜାତୀୟ ସମାରୋହ ଏକ ସାମୂହିକ ପ୍ରାର୍ଥନା ସହିତ ସମାପ୍ତ ହେଲା ।
- Advertisement -
