ଢେଙ୍କାନାଳ, ୨୨।୯ (ଜ୍ଞାନରଞ୍ଜନ ଶତପଥି ) : ଢେଙ୍କାନାଳ ଜିଲ୍ଲାର ନୂଆ ଆରକ୍ଷୀ ଅଧୀକ୍ଷକ (ଏସ୍ପି) ଭାବେ ୨୦୨୨ ବ୍ୟାଚ୍ର ଆଇପିଏସ୍ ଅଧିକାରୀ ଶ୍ରୀ ଅଜିଙ୍କ୍ୟ ବାବୁରାଓ ମାନେଙ୍କୁ ରାଜ୍ୟ ସରକାର ନିଯୁକ୍ତ କରିଛନ୍ତି। ସେ ବର୍ତ୍ତମାନ ପାରାଦୀପର ଅତିରିକ୍ତ ଏସ୍ପି ଭାବେ କାର୍ଯ୍ୟରତ ଥିଲେ। ଓଡ଼ିଶା ପୁଲିସରେ ସେ ୨୦୨୨ ବ୍ୟାଚ୍ର ଆଇପିଏସ୍ ଅଧିକାରୀ ଭାବେ ଯୋଗଦେଇଛନ୍ତି। ଓଡ଼ିଶା ପୁଲିସର ଅଧିକାରୀ ତାଲିକାରେ ମଧ୍ୟ ତାଙ୍କୁ ୨୦୨୨ ବ୍ୟାଚ୍ର ଆଇପିଏସ୍ ଓ ପାରାଦୀପ ଅତିରିକ୍ତ ଏସ୍ପି ଭାବେ ଦର୍ଶାଯାଇଛି।
ଶ୍ରୀ ମାନେ ପୂର୍ବତନ ଏସ୍ପି ଅଭିନବ ସୋନକରଙ୍କ ସ୍ଥାନରେ ଢେଙ୍କାନାଳ ଏସ୍ପି ଦାୟିତ୍ୱ ଗ୍ରହଣ କରିବେ। ଶ୍ରୀ ସୋନକର ୨୦୧୯ ବ୍ୟାଚ୍ର ଆଇପିଏସ୍ ଅଧିକାରୀ ଏବଂ ୨୦୨୪ ଅକ୍ଟୋବରରୁ ଢେଙ୍କାନାଳ ଏସ୍ପି ଭାବେ କାର୍ଯ୍ୟରତ ଥିଲେ।
ଉଲ୍ଲେଖଯୋଗ୍ୟ, ଶ୍ରୀ ମାନେଙ୍କର ଓଡ଼ିଶା ପୁଲିସରେ ପୂର୍ବରୁ ମଧ୍ୟ ବିଭିନ୍ନ ଦାୟିତ୍ୱର ଅଭିଜ୍ଞତା ରହିଛି। ୨୦୨୫ ଜୁନ୍ରେ ତାଙ୍କୁ ଜଗତସିଂହପୁର ଏସ୍ଡିପିଓ ଭାବେ ବଦଳି କରାଯାଇଥିବା ଓଡ଼ିଶା ପୁଲିସର ଅଧିକାରିକ ରେକର୍ଡରୁ ଜଣାପଡ଼ିଛି।
ନୂଆ ଏସ୍ପିଙ୍କ ଯୋଗଦାନ ପରେ ଜିଲ୍ଲାର ଆଇନଶୃଙ୍ଖଳା, ଅପରାଧ ନିୟନ୍ତ୍ରଣ ଓ ପୁଲିସ-ଜନସାଧାରଣ ସମ୍ପର୍କ କ୍ଷେତ୍ରରେ ତାଙ୍କ ପଦକ୍ଷେପ ଉପରେ ଜିଲ୍ଲାବାସୀଙ୍କ ନଜର ରହିବ।
- Advertisement -
