Get real time updates directly on you device, subscribe now.
ଭୁବନ : ଭୁବନ ଅଂଚଳର ଜଣାଶୁଣା ସାମ୍ବାଦିକ ତଥା ଯୁବ ସମାଜସେବୀ ସିରାଜ ଉଦ୍ଦିନ ଖାଁ (ଗରିବ) ଙ୍କର ଆଜି ସକାଳେ କଟକ ବଡ ଡାକ୍ତରଖାନା ରେ ଅକାଳ ବିୟୋଗ ହୋଇଛି । ସେ ଗତ କିଛି ଦିନ ହେଲା ଲିଭର ଓ କିଡନୀ ରୋଗରେ ପୀଡିତ ଥାଇ ଚିକିସôିତ ହେଉଥିଲେ ।
ଗତ କାଲି ରାତି ତାଙ୍କୁ କଟକ ବଡ ଡାକ୍ତରଖାନାକୁ ନିଆଯଇଥିଲା ବେଳେ ଆଜି ସକାଳେ ସେ ଶେଷ ନିଶ୍ୱାସ ତ୍ୟାଗ କରିଥିଲେ । ମୃତ୍ୟୁ ବେଳକୁ ତାଙ୍କୁ ୪୬ ବର୍ଷ ହୋଇଥିଲା ଓ ସେ ଅବିବାହିତ ଥିଲେ । ଅନ୍ତିମ ଶଯ୍ୟା ନିକଟରେ ତାଙ୍କ ପରିବାରବର୍ଗ ଓ ଆତ୍ମୀୟସ୍ୱଜନ ଉପସ୍ଥିତ ଥିଲେ ।
ମଧ୍ୟାହ୍ନ ୧୨ ଘଟିକା ସମୟରେ ଭୁବନ ଏନଏସି ଅନ୍ତର୍ଗତ ୫ ନମ୍ବର ୱାର୍ଡ ସ୍ଥିତ ବାସଭବନରେ ଗରିବ ଙ୍କ ମୃତଦେହ ପହଁଚିବା ପରେ ନଗରପାଳ ଶୁଭେନ୍ଦୁ ସାହୁ, ୧୯୯୧ ମାଟ୍ରିକ ବ୍ୟାଚ ସାଥୀ ଙ୍କ ସମେତ ସହସ୍ରାଧିକ ଶୋକାକୁଳ ଜନତା ତାଙ୍କର ଶେଷ ଦର୍ଶନ କରିବା ସହ ଶବାଧାରରେ ସହର ପରିକ୍ରମା କରିଥିଲେ ।
ସ୍ୱର୍ଗତ ଗରିବ ଜଣେ ନିର୍ଭିକ ତଥା ସଚ୍ଚୋଟ ସାମ୍ବାଦିକ ଭାବେ ପରିଚିତ ଥିଲେ ଓ ପ୍ରଚଣ୍ଡ ସ୍ୱାଭିମାନୀ ଥିଲେ । ସେ ଏକାଧାରରେ ଜଣେ ସ୍ନେହୀ,ଦୟାଳୁ,ପରୋପକାରୀ. ସାହାଯ୍ୟକାରୀ ବ୍ୟକ୍ତି ଓ ଭୁବନ ର କଂଗ୍ରେସ ମୁଖପାତ୍ର ହୋଇଥିବାରୁୁ ତାଙ୍କ ବିୟୋଗରେ ସ୍ଥାନୀୟ ଅଂଚଳରେ ଗଭୀର ଶୋକର ଛାୟା ଖେଳିଯାଇଛି ।
- Advertisement -
