ମହିଳାଙ୍କ ପ୍ରତି ବର୍ଦ୍ଧିତ ଅତ୍ୟାଚାର ବିରୁଦ୍ଧରେ ବିଜେପିର ନିଷ୍କ୍ରିୟତା ପାଇଁ ଆମ୍ ଆଦମୀ ପାର୍ଟିର ନନ୍ଦା

ଢେଙ୍କାନାଳ: ସ୍ଥାନୀୟ କଲ୍ୟାଣ ମଣ୍ଡପରେ ଜିଲ୍ଲା ଆମ୍ ଆଦମୀ ପାର୍ଟିର ସକ୍ରିୟ ସଦସ୍ୟମାନଙ୍କୁ ନେଇ ଜିଲ୍ଲା ସଭାପତି ରମେଶ ଚନ୍ଦ୍ର ପଣ୍ଡା ଙ୍କ ନେତୃତ୍ୱରେ ଏକ ବୈଠକ ଅନୁଷ୍ଠିତ ହେଇଥିଲା। ବୈଠକରେ ମୁଖ୍ୟ ଅତିଥି ରୂପେ ରାଜ୍ଯ ସଂଗଠନ ସମ୍ପାଦକ ଭରତ କୁମାର ଦାସ, ଅନ୍ୟତମ ରାଜ୍ୟ ସମ୍ପାଦକ ସୋସିଆଲ ମିଡିଆ ବିଷ୍ଣୁ ପ୍ରସାଦ ପଣ୍ଡା, ଢେଙ୍କାନାଳ ଲୋକସଭା ସଭାପତି ପଙ୍କଜ ନାୟକ, ରାଜ୍ଯ କାର୍ଯ୍ୟକାରିଣୀ ସଦସ୍ୟ ଜିତେନ୍ଦ୍ର ବେହେରା ଯୋଗ ଦେଇ ନୂତନ କର୍ମକର୍ତ୍ତାମାନଙ୍କୁ ଦଳର ନୀତି ଆଦର୍ଶରେ କାମ କରିବା ପାଇଁଁ ଉଦ୍‌ବୋଧନ ଦେଇଥିଲେ। ପହଲଗାମ ଆତଙ୍କବାଦୀ ଆକ୍ରମଣ ଓ ରାଜ୍ୟରେ ମହିଳାଙ୍କ ପ୍ରତି ବର୍ଦ୍ଧିତ ଅତ୍ୟାଚାର ବିରୁଦ୍ଧରେ ବିଜେପିର ନିଷ୍କ୍ରିୟତା ପାଇଁ ନନ୍ଦା ପ୍ରସ୍ତାବ ଗୃହୀତ କରାଯାଇଥିଲା।

ସର୍ବ ସମ୍ମତି କ୍ରମେ ସୁବୋଧ ବେହେରା ଓ ଜୟନ୍ତ କୁମାର ଦାସଙ୍କୁ ଉପସଭାପତି, ସନାତନ ନାଏକ ଜିଲ୍ଲା ଅନୁସୁଚିତ ଜାତି ଓ ଜନଜାତି ସାମୁଖ୍ୟ ସଭାପତି, ରେଣୁବାଳା ଚିନାରା ଜିଲ୍ଲା ମହିଳା ସଭାନେତ୍ରୀ, ଶେଷଦେବ ବେହେରା ସାଧାରଣ ସମ୍ପାଦକ, ପ୍ରସନ୍ନ ବରାଳ ଓ ଅନିଲ କୁମାର ସାମଲ ସମ୍ପାଦକ, ସରୋଜ ଧଳ ପର୍ଜଙ୍ଗ ବିଧାନସଭା ସଭାପତି, ରତିରଞ୍ଜନ ଜେନାଙ୍କୁ ସଦର ନିର୍ବାଚନ ମଣ୍ଡଳୀ ସଭାପତି ରୂପେ ମନୋନୀତ କରାଯାଇଥିଲା ।

ଢେଙ୍କାନାଳ ପୌରାଞ୍ଚଳ ନଗର ସଭାପତି ରୂପେ ଦେବାଶିଷ ନନ୍ଦ,ରୋହିତ ବେହେରା ଗଁଦିଆ, ବିଭୁ ରଞ୍ଜନ ସାହୁ ପର୍ଜଙ୍ଗ, ଗୌରାଙ୍ଗ ସାମଲ ଭୁବନ , ରାଜକୁମାର ପ୍ରଧାନ ସଦର, ଗୋବିନ୍ଦ ଚନ୍ଦ୍ର ସାହୁ, ଉପସଭାପତି, ସଦର ବ୍ଲକ,ଅରୁଣ କୁମାର ଦାସ କଙ୍କଡ଼ାହାଡ଼ ଓ ଲକ୍ଷ୍ମଣ ନାଏକ ଓଡ଼ାପଡ଼ା ବ୍ଲକ ସଭାପତି ରୂପେ ମନୋନୀତ କରାଯାଇଥିଲା।

ଜିଲ୍ଲା ସାମାଜିକ ଗଣମାଧ୍ୟମ ସଂଯୋଜକ ସୁମନ୍ତ ଗୋଛାୟତ ଓ ଢେଙ୍କାନାଳ ପୌରାଞ୍ଚଳ ମହିଳା ସଭାନେତ୍ରୀ ଭାବରେ ସସ୍ମିତା ନନ୍ଦଙ୍କୁ ମନୋନୀତ କରାଯାଇଥିଲା। କାର୍ଯ୍ୟାଳୟ ସମ୍ପାଦକ ରୂପେ ରଚିତା ନାଏକ ଓ ସହ ସଂପାଦିକା ଭାବେ ମଲ୍ଲିକା ମାଝୀ ମନୋନୀତ ହୋଇଥିଲେ।

- Advertisement -