ପେଟ୍ରୋଲ ପମ୍ପରେ ଠକେଇ ଉପଜିଲ୍ଲାପାଳ ଙ୍କ ନିକଟରେ ଫେରାଦ ହେଲେ ଦୀପକ

ଢେଙ୍କାନାଳ (ଜ୍ଞାନରଞ୍ଜନ ଶତପଥି ) : ଢେଙ୍କାନାଳ ସହରର ସିମିଳିଆ ଓଭରବ୍ରିଜ ରାମେଶ୍ୱରପୁର ପେଟ୍ରୋଲ ପମ୍ପ ନାଁରେ ଠକେଇ ଅଭିଯୋଗଆଣିଛନ୍ତି ଗ୍ରାହକ ଦୀପକ ରଞ୍ଜନ ମିଶ୍ର ।  ଠକେଇ ଘଟଣାକୁ 4 ଦିନ ବିତି ଯାଇଥିଲେ ବି କୌଣସି କାର୍ଯ୍ୟାନୁଷ୍ଠାନ ନହେବାରୁ ଦୀପକ ଉପ ଜିଲାପାଳ ବିବୁଧ ଗଡ଼ନାୟକ ଙ୍କୁ ଭେଟି ସେଦିନର ଠକେଇ ନେଇ ଅଭିଯୋଗ ବାଢ଼ିଛନ୍ତି I ସେ ରାମେଶ୍ୱରପୁର ଠାରେ ନୂତନ ଭାବେ ଗଢ଼ି ଉଠିଥିବା ଇଣ୍ଡିଆନ୍ ଅଏଲ ପେଟ୍ରୋଲ ପମ୍ପରେ ତେଲ ପକାଇ ଗ୍ରାହକମାନେ ଠକେଇର ଶିକାର ହୋଇଛନ୍ତି ।

ପ୍ରକାଶ ଯେ ,ଗତ ରବିବାର ଏହି ପେଟ୍ରୋଲ ପମ୍ପରେ ସହରର ଜୁବୁଲି ଟାଉନ୍ ଅଂଚଳର ଦୀପକ ମିଶ୍ର ନାମକ ଜଣେ ଯୁବକ ୨୦୦ ଟଙ୍କାର ପେଟ୍ରୋଲ ପକାଇଥିଲେ । ପେଟ୍ରୋଲ ପକାଇବା ପରେ ତାଙ୍କ ଗାଡି ଖରାପ ହୋଇଯାଇ ଆଉ ଚାଲି ନଥିଲା । କେବଳ ଦୀପକ ନୁହେଁ, ଗତ ରବିବାର ଯେଉଁ ଗ୍ରାହକମାନେ ଏହି ପେଟ୍ରୋଲ ପମ୍ପରେ ତେଲ ପକାଇଛନ୍ତି, ସମସ୍ତେ ଏଭଳି ଅସୁବିଧାର ସମ୍ମୁଖୀନ ହୋଇଛନ୍ତି ।

ଏ ସମ୍ପର୍କରେ ଅଭିଯୋଗ କରି ଶ୍ରୀ ମିଶ୍ର ସୂଚନା ଦେଇ କହିଛନ୍ତି, ମୁଁ ଯୋରନ୍ଦା ଅଂଚଳରୁ ୨୫କିମି ମୋଟର ସାଇକେଲରେ ଆସି ରାମେଶ୍ୱରପୁରରେ ଥିବା ଇଣ୍ଡିଆନ୍ ଅଏଲ୍ ପେଟ୍ରୋଲ ପମ୍ପରେ ତେଲ ପକାଇଥିଲି । ମାତ୍ର ୨୦୦ରୁ ୩୦୦ ମିଟର ଯିବାପରେ ମୋ ଗାଡିର ଷ୍ଟାଟ୍ ବନ୍ଦ ହୋଇ ଅଚଳ ହୋଇଯାଇଥିଲା ।

ମୁଁ ନିକଟସ୍ଥ ଏକ ଗ୍ୟାରେଜକୁ ଯାଇ ଦେଖାଇବାରୁ ପେଟ୍ରୋଲ ସହିତ ପାଣି ବାହାରିଥିଲା । ପୂର୍ବ ରାତିରେ ବର୍ଷା ଯୋଗୁଁ ପେଟ୍ରୋଲ ପମ୍ପରେ କେଉଁଠି ଲିକ୍ ଥାଇ ଏଭଳି ହୋଇପାରେ ବୋଲି ଗ୍ୟାରେଜ ମେକାନିକ୍ କରିଥିଲେ ।

ତେବେ ଏହି ନୂତନ ପେଟ୍ରୋଲ ପମ୍ପର ନିର୍ମାଣରେ ତୃଟି ଥିବା ସନେ୍ଦହ କରି ଶ୍ରୀ ମିଶ୍ର ଏହାର ଯାଂଚ କରିବା ପାଇଁ ଜିଲ୍ଲା ଯୋଗାଣ ଅଧିକାରୀଙ୍କ ନିକଟରେ ଶ୍ରୀ ମିଶ୍ର ଦାବି କରିଥିଲେ । ପୁନଶ୍ଚ ଉପଜିଲାପାଳ ଙ୍କ ନିକଟରେ ଅଭିଯୋଗ ହେବାପରେ କି କାର୍ଯ୍ୟାନୁଷ୍ଠାନ ହେଉଛି ସମସ୍ତେ ଅନାଇ ରହିଛନ୍ତି ।

- Advertisement -