ଭୁବନ ୧୮.୧୧- ଭୁବନ ବ୍ଲକ ପ୍ରଶାସନ ତରଫରୁ ଭୁବନ ସରକାରୀ ଉଚ୍ଚ ବିଦ୍ୟାଳୟ ପରିସରରେ ଭୀମ ଭୋଇ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି। ବ୍ଲକ ଅଧ୍ୟକ୍ଷା ଶ୍ରୀମତୀ ସିପ୍ରା ବରାଳ ମୁଖ୍ୟ ଅତିଥି ଭାବେ ଯୋଗଦେଇ ଶିବିର କୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ।
ଉକ୍ତ ଶିବିରରେ ମାନସିକ ଅନଗ୍ରସର ବିଭାଗ ରେ ୫୨ ଜଣ, ଅସ୍ଥିଶଲ୍ୟ ୧୨୯ ଜଣ,ଦୃଷ୍ଟି ବାଧକ ୪୫ ଜଣ, ଶ୍ରବଣ ବାଧକ ୫୯ ଜଣ ଓ ମେଡିସିନ ବିଭାଗ ରେ ୭ ଜଣ ସମୁଦାୟ ୨୯୨ ଜଣ ଙ୍କୁ ବିଶେଷଜ୍ଞ ଙ୍କ ଦ୍ଵାରା ପରୀକ୍ଷା କରାଯାଇଥିଲା ।
ବ୍ଲକ ଆକାଉଣ୍ଟ୍ ଅଫିସର୍ ପ୍ରଶାନ୍ତ କୁମାର ବିଶ୍ବାଳ ଙ୍କ ତତ୍ତ୍ଵାବଧାନରେ ବିଭିନ୍ନ ବିଭାଗର ଡାକ୍ତର ମାନେ ଭିନ୍ନକ୍ଷମ ମାନଙ୍କୁ ପରୀକ୍ଷା କରି ଭିନ୍ନକ୍ଷମ ଉପକରଣ,ଔଷଧ ,ପ୍ରମାଣ ପତ୍ର, ବସ ପାସ ପ୍ରଦାନ କରିଥିଲେ।
ଏହି କାର୍ଯ୍ୟକ୍ରମ ରେ ବିଡ଼ିଓ କଲ୍ୟାଣ ସୌରଭ ଦାଶ ଙ୍କ ସମେତ ବ୍ଲକ ସାମାଜିକ ସୁରକ୍ଷା ଅଧିକାରୀ ବିଜନ କୁମାର ମିଶ୍ର ଓ ସମସ୍ତ କର୍ମଚାରୀ ସକ୍ରିୟ ଅଂଶ ଗ୍ରହଣ ଓ ସହଯୋଗ କରିଥିଲେ।